Plantun de Prouvènço

Pèr coumpara dos planto d'encò nostre

Viola palustris & Echium creticum

Viola palustris

Violaceae

Nom en français : Violette des marais.

Descripcioun :
Aquesto pichoto e poulideto vióuleto trachis au nostre dins li tourbiero e li palun de mountagno. Se recounèis à si fueio redouno de la baso en couar e à sa petalo de davans soulignado de veno sourno.

Usanço :
Li flour de vióuleto soun manjadisso, li meiouro soun li mai perfumado, coume Viola odora o Viola suavis. Soun richo en vitamino C e A.

Port : Erbo
Taio : 5 à 15 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Viola
Famiho : Violaceae

Ordre : Malpighiales

Coulour de la flour : Vióuleto
Petalo : irreguliero
Ø (o loungour) flour : 15 à 20 mm
Flourido : Printèms - Estiéu

Sòu : Si
Autour basso e auto : 800 à 2600 m
Aparado : Noun
Mai à Juliet

Liò : Tourbiero - Palun de mountagno
Estànci : Mountagnard à Aupen
Couroulougi : Oulartico-Aupenco
Ref. sc. : Viola palustris L., 1753

Suçamèlo(-de-Crèto)

Echium creticum

Boraginaceae

Nom en français : Vipérine de Crète.

Descripcioun :
Aquelo suçamèlo trachis dins li tepiero seco e lis éusiero sus sòu séusous. Se recounèis à si lònguis enflourejado e à si gràndi flour roujo que podon faire fin qu'à 35 mm de long. Li fueio de la baso porton un pecou. A la subsp. dóu nostre, ié dison creticum.

Usanço :
Couneissèn pas d'usanço particuliero pèr aquelo planto. Li flour dèvon èstre bono à suça coume pèr sa cousino. Escriéure au site se n'en sabès mai.